You are currently viewing ብልጽግና ፓርቲ እና የዴሞክራሲ ስርአት ግንባታ ባህል

ብልጽግና ፓርቲ እና የዴሞክራሲ ስርአት ግንባታ ባህል

  • Post comments:0 Comments
በኢትዮጵያ የዴሞክራሲ ስርአት ግንባታ ባህል እየዳበረ መጥቷል፡፡ ከአገራዊ ለውጡ በኋላ እንደ አገር እየታዬ ያለው የዴሞክራሲ ስርዓት ግንባታ በእጅጉ መሻሻል ማምጣቱን የተለያዩ የተፎካካሪ የፖለቲካ ፓርቲዎች መመስከር ችለዋል፡፡
የዴሞክራሲ ስርዓት ግንባታ መለወጥ እንዲሁ የመጣ ሊሆን አይችልም፣በርካታ ውጣ ውረዶችን እና ተግዳሮቶችን ማሳለፍ የግድ ሆኗል፤ምክንያቱም የአስተሳሰብ እና ለተፈጻሚነቱ የተግባር አንድነት ስለሚያስፈልግ፡፡
የብልጽግና ፓርቲ በምርጫ አሸንፎ መንግስት በመሰረተበት ማግስት ከዚህ ቀደም ተደርጎ የማያውቅና ከተፎካካሪ የፖለቲካ ፓርቲዎች ጀምሮ እስከ አለም አቀፍ ተቋማት፣ግለሰቦች እና ቡድኖችም ጭምር ዕውቅና ያስገኘለትን ተግባር ከንግግር ባለፈ በተግባር ማሳየት ችሏል፡፡እሱም የተፎካካሪ ፖለቲካ ፓርቲ አባላት ወደ መንግስት መዋቅር እንዲገቡ እና በኢትዮጵያ የዴሞክራሲ ስርአት ግንባታ ባህል እየዳበረ እንዲመጣ መንገድ ከፍቷል።
በፌዴራል ደረጃ የታዬው የተፎካካሪ የፖለቲካ ፓርቲ አመራሮችን በገዢው ፓርቲ ካቢኔ ውስጥ የማሳተፉ በጎ ጅምር እስከ ታች ባለው የመንግስት መዋቅር ድረስ ተግባራዊ ማድረግ ተችሏል፡፡የብልጽግና ፓርቲ አመራሮች ለዚህ ተፈጻሚነት የበኩላቸውን ሚና ተወጥተዋል፡፡
እስከታች ባሉት የመንግስት መዋቅሮች የተፎካካሪ ፖለቲካ ፓርቲ አባላትን ማሳተፉ ልዩ ልዩ ጥቅሞች ያሉት ሲሆን በዋናነት እንደ አገር ጠንካራ አንድነትን እንዲኖረን እና በልዩ ልዩ ምክንያቶች ሊደርሱብን የሚችሉ ጫናዎችን በጋራ ሆኖ ለመቋቋም ይረዳል፡፡
በብልጽግና ፓርቲ ፍጹም ቁርጠኝነት በኢትዮጵያ ባለፋት የለውጥ ዓመታት የዴሞክራሲያዊ ሥርዓት ግንባታን በመገንባት ድህነትን ለማሸነፍ ባደረገችው ጥረት አበረታች ሊባል የሚችል ውጤት አስመዝግባለች። ይህ የዓለም ህዝብ ሳይቀር ምስክርነቱን የሰጠበት እውነታ ነው።
የኢትዮጵያ የብልጽግና ጉዞ ሊረጋገጥ የሚችለው በመጎልበት ላይ ያለው የዴሞክራሲያዊ ሥርዓት ባህል ግንባታ ያለ አንዳች መደነቃቀፍ ቀጥሎ መስመሩን ሲይዝ ነው። በመሆኑም የፖለቲካ ፖርቲዎች ለዴሞክራሲያዊ ሥርዓት ግንባታ መጠናከርና መጎልበት ገንቢ ሚና መጫወት እንደሚኖርባቸው አያከራክርም።
በአገሪቱ ዴሞክራሲን የሚያጠናክሩ ፓርቲዎች መኖር እንዳለባቸው እንደ ብልጽግና ፓርቲ በእምነት ተይዞ እየተሰራ ይገኛል። ዘወትር ተደጋግሞ ሲገለጽ እንደምንሰማው የብልጽግና ፓርቲ ፍላጐት የአገሪቱ የመድብለ ፖርቲ ሥርዓት በልፅጎና አብቦ ማየት ነው፡፡ ለዚህም የአገሪቱ ዜጎችን የሚወክሉ የፖለቲካ ፓርቲዎች ድምፃቸው የሚሰማበት ሁኔታ እንዲፈጠር እየጣረ ይገኛል።
#prosperity

Leave a Reply