ማህበራዊ የልማት ሥራዎቻችን ከችሮታና ከነባሩ የማህበራዊ ደህንነት ትኩረት ወጥቶ ችግሩን ከመብት አንፃር እንደሚመለከተው ብልጽግና ፓርቲ በማህበራዊ ልማት ፕሮግራሙ ላይ በግልጽ አስቀምጧል። የማህበራዊ ብልጽግናን ለማረጋገጥ የሚደረገው ጥረት ተደራሽነትና አካታችነት ባለው መልኩ የማህበረሰብን ጤና፣ ደኅንነት እና ምቾት የሚያስጠብቅ መሆን ይኖርበታል ብሎ ያምናል።

የብልጽግና ፓርቲ ማህበራዊ ፕሮግራም ዜጎችን የሚያስተሳስር፣ ከችግርና ከመከራ የሚታደጋቸው፣ የሀገርን አለኝታነት የሚያሰርጽ እና በሀገራችን አዎንታዊ ሰላምን የሚያረጋግጥ ይሆናል። ማህበራዊ የልማት ፕሮግራሙ ህብረ ብሔራዊ ማንነትን መሠረት ያደረገ ሀገራዊ አንድነትን የሚያጎለብት እንዲሆን ኢላማ አድርጎ መንቀሳቀስ የብልጽግና ፓርቲ የማህበራዊ ፕሮግራም ዓላማ መገለጫ ነው።

ይህንን እውን ለማድረግ በማህበራዊ ልማት ዘርፍ የአርሶ አደሩን እና አርብቶ አደሩን፣ እንዲሁም ዝቅተኛ ገቢ ያለውን የከተማ ነዋሪ ፍትሐዊ ተጠቃሚነት ለማረጋገጥ ብልጽግና ፓርቲ እየሰራ ይገኛል።