ብልጽግና ፓርቲ አዳጊና…

ብልጽግና ፓርቲ አዳጊና…

  • Post comments:0 Comments
ብልጽግና ፓርቲ አዳጊና ተራማጅ ለሆነ አዳዲስ አስተሳሰብ የተዘጋጀ ተለማጭ የፖለቲካ ፍልስፍና የሚከተል ፓርቲ ነው፡፡ ተራማጅ የዴሞክራሲ ስርዓት በሚፈልግ መሰረታዊ የፖለቲካ ኢኮኖሚ አመክንዮ መፈታት ያለባቸው ውስጣዊ ችግሮች እልፍ በሆነበት አገርና ማህበራዊ መስተጋብር ውስጥ የብልፅግና ተራማጅ እሴቶች በእርግጥም ወቅታዊና አስፈላጊ ናቸው፡፡
በዘመነ ኢህአዴግ የነበሩ የፖለቲካ ኢኮኖሚ ችግሮች ስፋትና ጥልቀት ያለው መሆን ድህረ ኢህአዴግ ያለውን የመፍትሄ አቅጣጫና አፈፃፀም በጣም ቀርፋፋና በልኩ ያልተሰፋ ያስመስለዋል። ቀላል ችግር ቀላል መፍትሄ የመፈለጉን ያህል ውስብስብ ችግርም የመፍትሄውን መንገድ ሩቅና ከባድ ያደርገዋል፡፡
ብልጽግና ገና ከመነሻው የአገሩን ሰርዶ በአገሩ በሬ እንደሚባለው ለአገር በቀል ችግሮች አገር በቀል መፍትሄ ያስፈልጋቸዋል ብሎ የተነሳ ፓርቲ ነው፡፡ በዚህም ምክንያት ለአገር በቀል አስተሳሰብና የመፍትሄ አማራጮች ተገቢውን ትርጉም መስጠት ችሏል፡፡
ሁሉም ፖለቲካዊ ችግሮቻችን ከውጪ በሚቀዱ የፖለቲካ አስተሳሰቦች አይፈቱም የተባለ ይመስል የግድ ከአገር በቀል የመፍትሄ አማራጮች ውጭ ሙሉ ለሙሉ ከውጭ በተቀዱ ርዕዮተ አለማዊ ፍልስፍናዎች መጠመድ የለብንም፡፡
ስለሆነም የውስጥ ችግራችንን ለመቅረፍ የምንዋሰው ሌላ ባዕድ አስተሳሰብ ሳያስፈልገን እንደነገሩ ድንበር ተሻጋሪ መልካም ተሞክሮዎችን እየቀላቀልን ከችግሮች መላቀቅ እንችላለን፡፡ በዚህም አገር በቀል ብልሀት ችግሮቻችንን መፍታት ጀምረናል፡፡

Leave a Reply