በብልጽግና ፓርቲ ቅድመ ጉባኤ ግምገማ 2 ሺህ 574 አመራሮች ከሃላፊነት እንዲነሱ ተደርጓል-የፓርቲው ምክትል ፕሬዚዳንት አደም ፋራህ

በብልጽግና ፓርቲ ቅድመ ጉባኤ ግምገማ 2 ሺህ 574 አመራሮች ከሃላፊነት እንዲነሱ ተደርጓል-የፓርቲው ምክትል ፕሬዚዳንት አደም ፋራህ

  • Post comments:0 Comments
በብልጽግና ፓርቲ ቅድመ ጉባኤ ግምገማ 2 ሺህ 574 አመራሮች ከሃላፊነት እንዲነሱ ተደርጓል-የፓርቲው ምክትል ፕሬዚዳንት አደም ፋራህ
በብልጽግና ፓርቲ ቅድመ ጉባኤ ግምገማ 2 ሺህ 574 አመራሮች ከሃላፊነት እንዲነሱ መደረጉን የፓርቲው ምክትል ፕሬዚዳንት አደም ፋራህ ገለጹ።
በፓርቲው ቅድመ ጉባኤ ግምገማ 108 ሺህ 258 አመራሮች ተገምግመው በ10 ሺህ 658 አመራሮች ላይ የተለያየ ደረጃ ያለው እርምጃ ተወስዷል ብለዋል።
የብልጽግና ፓርቲ የመጀመሪያ ጉባኤ መካሄዱን ተከትሎ ከቅድመ ጉባኤ እስከ ፍፃሜው ድረስ የነበረውን ክንውን በማስመልከት የፓርቲው ምክትል ፕሬዚዳንት አደም ፋራህ መግለጫ ሰጥተዋል።
በመግለጫቸውም በቅድመ ጉባኤው 108 ሺህ 258 የፓርቲው አመራሮች ተገምግመው በ10 ሺህ 658ቱ ላይ የተለያየ እርምጃ ተወስዷል ብለዋል።
በፓርቲው እርምጃ ከተወሰደባቸው 10 ሺህ 658 መካከል 2 ሺህ 574ቱ ከሃላፊነት እንዲነሱ መደረጉን ተናግረዋል።
በቀሪዎቹ ላይ ደግሞ ከባድና ቀላል ማስጠንቀቂያ፣ ከደረጃ ዝቅ ማድረግና የቦታ ሽግሽግ መደረጉን ምክትል ፕሬዝዳነቱ ገልጸዋል።
የሙያ ስነ-ምግባር፣ የአገልግሎት ስብዕና፣ የስራ ውጤታማነትና ሌሎችም የብቃት መለኪያዎች አመራሮች የተገመገሙባቸው መስፈርቶች መሆናቸውንም አስታውሰዋል።
በጉባኤውም ፓርቲው በህዝቡ የተጣለበትን ሃላፊነት በብቃት ለመወጣት የሚያስችል ግምገማ ተደርጎ ውሳኔ ተላልፏል ብለዋል።
አሳሪ ህጎችን ማሻሻል፣ የዴሞክራሲ ተቋማት ነፃና ገለልተኛ እንዲሆኑ በማድረግ ጥሩ ውጤት መመዝገቡም ተነስቷል።
ከልማት አፈፃፀም አንፃር የነበረው ውስንነት ተገምግሞ ፕሮጀክቶች በጥራት፣ በፍጥነት፣ ባልተጋነነ ወጭ እንዲከናወኑ ማድረግ የሚያስችል አቅጣጫ መቀመጡንም ገልጸዋል።

Leave a Reply