• Post comments:0 Comments

ብልጽግና ህዝባዊነቱን እንደያዘ ለኢትዮጵያ ዴሞክራሲያዊ አንድነት እና ለብሔር፣ ብሔረሰቦች እኩልነት የታገለና የሚታገል የዛሬና የነገ ዴሞክራሲያዊ ፓርቲ ነው፡፡ በመሆኑም ለዓላማዎቹ ግብ መሣካት መስዋዕት መሆን የሚችልና እየሆነ ያለ ፓርቲ እንጂ እንደ አንዳንዶቹ የሀገራቸውን ብሔራዊ ጥቅም በጥቅም አሳልፈው ለሚሰጡ የሴራ ሃይሎች የሚያጐበድድ ፓርቲ አይደለም፡፡

እንደ ሀገር የገጠሙንን ፈተናዎች እና የተጋረጠብንን አደጋ ለማለፍ ሰፊ የማረጋጋት ሥራ በመስራት አሁን ከመቸውም ጊዜ በላይ ወደ ላቀ ጥንካሬያችን እየተመለስን ያለንበት ሰዓት ላይ እንገኛለን፡፡ በመሆኑም ህወኃትን ጨምሮ ሌሎችንም የጥፋት ሀይሎች በህዝብና በሀገር ላይ ሲያደርሱ የነበረውን የጥፋት ሴራቸዉን የህግ ተጠያቂ ለማድረግና ይህንኑ በቁርጠኝነት ዳር ለማድረስ እየሰራ የሚገኝ ፓርቲ ነው፡፡

ብልጽግና ፓርቲ ባለፉት የለውጥ ዓመታት ጀምሮ የፓርቲው የትርክት ማስፈጸሚያዎች አድርጎ እየተጠቀመባቸው የሚገኘውን ወንድማማችነት፣መደመር፣መሃል ፖለቲካ፣አሰባሳቢ ፓርቲ፣ብልጽግናና ፕራግማቲዝም የተሰኙ የለውጥ ሃሳቦችን በማቀንቀን ሀገርን ከትርምስና ከብተና ማዳን የቻለ የቁርጥ ቀን ባለውለታ ፓርቲ ነው፡፡

Leave a Reply