የብልጽግና ማማ ላይ ለመድረስ… /በሚራክል እውነቱ/

የብልጽግና ማማ ላይ ለመድረስ… /በሚራክል እውነቱ/

  • Post comments:0 Comments

ኢትዮጵያዊያን ሕልም አለን፤እንደ ህዝብም እንደ ሀገርም የማደግ ትልቅ እና ሊደረስበት የሚችል ሕልም አለን፡፡ለአያሌ ዓመታት የድህነትን ቀንበር ተሸክመን ዳገት ውጣ ውረዱ በዝቶብን የልማት ቱርፋቶች ናፍቀውን ስንገዳገድ የኖርን ህዝቦች ነን፡፡ሆኖም ግን በትናንሽ ፈታዎች የማንደናገጥ ከዛሬ ይልቅ ነገን አልመን ዛሬን የምንሰራ ህዝቦች ነን፡፡

በኑሮ ቀንበር ሳንጐብጥ፣በየዕለቱ በሚያጋጥሙን ውጣ ውረዶች ሳንደናቀፍና የማያልፉ የሚመስሉ ነገር ግን ማለፍ ለሚችሉ ተግዳሮቶች እጅ ሳንሰጥ ሩቅ አስበን የነገዋን የበለፀገች ኢትዮጵያ ለማየት የምንታትር፣ ድህነት በቃኝ በለን በጋራ ተያይዘን ለማደግ የተነሳንና የብልፅግናውን ጎዳና የጀመርን ህዝቦች ነን እኛ ኢትዮጵያዊያን፡፡

የጋራ ራዕያችን የምንወዳት ሀገራችን አድጋና በልፅጋ በሁለንተናዊ አቅማቸው አንቱታን ካተረፉ ሀገሮች ተርታ ተሰልፋ ማየት መሆኑ ሀቅ ነው፡፡ይህ ግን ከመሬት ተነስቶ ሊፈጠር የሚችል ተዓምር አይደለም፡፡

ዳገት ቁልቁለቱን፣መውጣትና መውረዱን፣ እንቅልፍ አጥቶ መስራትን፣ለአሉባልታዎች ጆሮ አለመስጠትን፣ በየተሰማራንበት ጊዜያችንን በአግባቡ ተጠቅመን መስራት፣ተስፋ አለመቁረጥን ይጠይቃል፡፡ያለ ድካም እንዲሁ በዕድል ያደገ ሀገር ዓለም ላይ የለም፤ሊኖርም አይችልም፡፡

በህዝቦች ጥረትና በመሪዎቻቸው ጥበብ የታከለበት መሪነት ማደግ የቻሉ ሀገሮች አሉ፡፡ዛሬን ሳይሆን መጪውን ትውልድ ያገናዘቡ ስራዎችን መስራት ያስፈልጋል፡፡ዛሬ ላይ እጃችንን አገጫችን ላይ አድርገን በመገረም ስሜት የምናያቸው ሀገራት ለደረሱበት ማህበራዊ፣ኢኮኖሚያዊና ፖለቲካዊ ለውጥ ብዙ ብዙ መስዋዕትነት ከፍለው እዚህ መድረሳቸው ይጠፋናል ብዬ አላስብም፡፡

ሀገራችን ሁለት ዓመት ባሎሞላ ጊዜ ውስጥ ዓለምን ያስደመመና ማንም ሊገምተው በማይችል መልኩ ሀገር ውስጥ ብቻ ያልተገደበ ከጎረቤት ሀገራት ጋርም በገሀድ የሚታይ መሰረታዊ ለውጦችን አስተናግዳለች፡፡

የፖለቲካ ምህዳሩን እንዲሰፋ ትኩረት አድርጎ ከመስራት ጀምሮ በማህበራዊና ኢኮኖሚያዊ መሰረታዊ ለውጦችን በማምጣት በኩል ብልጽግና ወደ ስልጣን ከመጣበት ጊዜ ጀምሮ ጉልህ ሚና ስለመጫወቱ አያሌ ኢትዮጵያዊያን ምስክሮች ስለመሆናቸው ጥርጥር የለኝም፡፡

የዓለም የሰላም ሎሬቱ ክቡር ጠ/ሚኒስትር ዶ/ር ዓብይ አህመድ በርካታ ሀገራዊ ጉዳዮችን ሳይውል ሳያድር ምላሽ እንዲያገኝ በማድረግ ኢትዮጵያ እውነትም ለለውጥ የተነሳች መሆኗን አስመስክረዋል፡፡ ብቻ በዚህ አጭር ጊዜ በማህበራዊ፣ኢኮኖሚያዊና ፖለቲካዊ መስኮች የሚታይና የሚጨበጥ ለውጥ ማስመዝገብ ተችሏል፡፡

በተለይ ደግሞ ኢትዮጵያ የብልፅግናውን ማርሽ ፍጥነት መቀየር የሚያስችላትን የተቋም ግንባታ ላይ ትኩረት አድርጋ መስራት ጀምራለች፡፡ የምናስበው የብልጽግና ማማ ላይ ለመድረስ ደግሞ እልህ አስጨራሽ ትግል ማድረግ ያስፈልጋል፤ወገብ የሚያጎብጡ ስራዎችን መስራት፣እሾህ አሜካላውን ማለፍ የግድ ይለናል፡፡

ዛሬ በሰራነው መልካም ስራ ለመጪው ትውልድ ያደገችና የበለፀገች ሀገር ማውረስ ያስችለናል፤ይህን ማድረግ የሚችል በዕውቀትና በዕውነት ላይ ተመስርቶ እየሰራ ያለ አመራርና አባላት አሉት ብልጽግና ፓርቲ፡፡

አገር በፈተና ወቅት፣ በመከራና በችግር ጊዜ ስቃይዋን የሚያበዛ ችግርዋን የሚያገዝፍ የማያውቁ ሰዎች ጩህት ሳይሆን የሚያውቁ ሰዎች ዝምታ ነው። የምናውቅ ሰዎች ዝም ካልን የምናውቅ ሰዎች አይተን እንዳላየን ከሆነ ቀኝ ጌታ ዮፍታሔ ንጉሴ እንዳሉት

“አገሬ ተባብራ ካረገጠች እርካብ

ነገራችን ሁሉ የእንቧይ ካብ የእንቧይ ካብ”እንዳሉት ይሆናል፡፡

በህብር ወደ ብልጽግና !

Leave a Reply